logo
  • Virðing -
  • Jákvæðni -
  • Framsækni -
  • Umhyggja

Fréttir eftir árum

Sumarlestur 2018 í Bókasafni Mosfellsbæjar

06/06/18Sumarlestur 2018 í Bókasafni Mosfellsbæjar
Fyrsta þriðjudag í júní, júlí og ágúst í sumar er hittingur fyrir sumarlestrarkrakkana í Bókasafninu kl. 14.00. Við hittumst og spjöllum; leysum þrautir og drögum út happdrættisvinninga. Þriðjudaginn 5. júní kom hópur krakka og tók þátt. Vinningshafar í happdrættinu voru: Salmah Khalid, Katla Sólborg og Bryndís Bogadóttir. Við tókum tvær hópmyndir og skemmtum okkur við að hafa eina grínmynd. Næst hittumst við þriðjudaginn 3. júlí kl. 14.00.
Meira ...

Sumar í brennidepli

05/06/18Sumar í brennidepli
Sumarið er tíminn ... Sumar bækur gleymast á meðan aðrar bækur koma á óvart, en sumum bókum er bara ekki veitt athygli. Á þessum árstíma leita margir í að lesa annars konar bækur en að vetri til, oft eitthvað meira léttmeti sem hægt er að taka með sér í fríið eða til lesa þegar rigningin ræður ríkjum. Fólk sem er í námi eða krefjandi vinnu hefur ekki alltaf tóm til að lesa á veturna og nýtur þess því frekar yfir sumartímann. En stundum er erfitt að finna lesefni. Því ekki að láta slag standa og taka bækur sem tengjast sumrinu? Sögur með einhvers konar tilvísun í sumar eða þær sem gerast að sumri er sá flokkur sem nú er í brennidepli - og það að gefnu tilefni, því nú er komið sumar - samkvæmt íslensku dagatali.
Meira ...

9. bekkur í heimsókn í Bókasafninu

01/06/189. bekkur í heimsókn í Bókasafninu
Þriðjudaginn 29. maí komu allir 9. bekkingar bæjarins í heimsókn í Bókasafnið. Tilgangurinn var að hitta tvo þaulreynda og skemmtilega fyrirlesara; ræða um sjálfsmynd og að gefast ekki upp þó á móti blási. Kristín Tómasdóttir spjallaði við stelpurnar en Bjarni Fritzson hitti strákana. Kristín og Bjarni eru bæði sálfræðimenntuð og hafa skrifað margar bækur um og fyrir unglinga sem allar er að finna í Bókasafninu. Takk fyrir komuna krakkar. Hlökkum til að sjá ykkur í safninu.
Meira ...

Vinningshafi í marsgetraun Bókasafnsins

28/05/18Vinningshafi í marsgetraun Bókasafnsins
Hin 12 ára gamla Ísold Emma Ívarsdóttir er vinningshafinn í marsgetraun Bókasafns Mosfellsbæjar. Hún fékk í verðlaun bókina Kvöldsögur fyrir uppreisnargjarnar stelpur. Bróðir hennar, Jökull Nói, var svo elskulegur að sækja vinninginn fyrir systur sína því hún var upptekin á ballettæfingu. Ísold Emma og Jökull Nói eru einmitt að fara í Konunglega ballettskólann í Kaupmannahöfn og munu taka þátt í sýningu á hans vegum. Greinilega hæfileikaríkir krakkar hér á ferð!
Meira ...

Bókaverðlaun barnanna

25/05/18Bókaverðlaun barnanna
Bókaverðlaun barnanna voru veitt nýverið. Amma best eftir Gunnar Helgason var kosin besta frumsamda bókin, Dagbók Kidda klaufa - furðulegt ferðalag besta þýdda bókin og Blái hnötturinn besta leiksýningin. Við í Bókasafni Mosfellsbæjar veittum líka okkar eigin verðlaun og fengu þrír krakkar sem tóku þátt í kosningunni bókina Af hverju ég? eftir Hjalta Halldórsson. Þetta eru Katla Birgis frá Varmárskóla, Lilja Dís frá Lágafellsskóla og Ólöf Sæunn frá Krikaskóla. Til hamingju, stelpur!
Meira ...

Kristján og Loji umpotta

22/05/18Kristján og Loji umpotta
Föstudaginn 11. maí síðastliðinn var opnuð samsýningin Kristján og Loji umpotta í Listasal Mosfellsbæjar. Sýningin er hluti af hátíðinni List án landamæra. Kristján Ellert Arason er fæddur árið 1958 og hefur síðustu níu ár unnið að myndlist á vinnustofum Sólheima. Loji Höskuldsson fæddist árið 1987 og er með BA-gráðu í myndlist frá Listaháskóla Íslands. Frá haustinu 2017 hafa þessir tveir listamenn unnið að verkum fyrir sýninguna Kristján og Loji umpotta.
Meira ...

Styrmir Örn Sigurþórsson er vinningshafinn í aprílgetrauninni okkar.

18/05/18Styrmir Örn Sigurþórsson er vinningshafinn í aprílgetrauninni okkar.
Styrmir Örn Sigurþórsson er vinningshafinn í aprílgetrauninni okkar. Styrmir Örn er fjögurra ára og er í leikskólanum Bergi á Kjalarnesi. Hann fær í verðlaun bókina Gilitrutt: Barnaópera.
Meira ...

Hundar sem hlusta í Bókasafni Mosfellsbæjar laugardaginn 26. maí 2018

14/05/18Hundar sem hlusta í Bókasafni Mosfellsbæjar laugardaginn 26. maí 2018
Í samstarfi við félagið Vigdísi - Vini gæludýra á Íslandi býður Bókasafnið börnum að koma í safnið og lesa sér til ánægju fyrir hunda, sem eru sérstaklega þjálfaðir til þessa verkefnis. Þetta er í annað sinn sem Bókasafn Mosfellsbæjar býður upp á þessa samveru hunda og barna.
Meira ...

Sýningaropnun föstudaginn 11. maí kl. 16.

07/05/18Sýningaropnun föstudaginn 11. maí kl. 16.
Sýningin Kristján og Loji umpotta verður opnuð í Listasal Mosfellsbæjar föstudaginn 11. maí kl. 16. Sýningin er hluti af hátíðinni List án landamæra og er samsýning Kristjáns Ellerts Arasonar og Loja Höskuldssonar. Kristján Ellert Arason er fæddur árið 1958 og hefur síðustu níu ár unnið að myndlist á vinnustofum Sólheima. Loji Höskuldsson fæddist árið 1987 og er með BA-gráðu í myndlist frá Listaháskóla Íslands. Frá haustinu 2017 hafa þessir tveir listamenn unnið að verkum fyrir sýninguna Kristján og Loji umpotta.
Meira ...

Hæ maí!

04/05/18Hæ maí!
Maígetraunin er mætt í Bókasafnið. Svara þarf þremur spurningum sem að þessu sinni fjalla um sumarplön, mýs og ófríða fugla. Svarblaðið er að venju staðsett á hringborðinu í barnadeildinni. Bókarverðlaun verða veitt einum heppnum krakka sem svarar öllu rétt.
Meira ...

Síða 5 af 9

Þessi síða notar vafrakökur Lesa meira