Fréttir eftir mánuðum

Mánudaginn 23. nóvember nk. opnar Vatnslitafélag Íslands sýningu í Listasal Mosfellsbæjar. Sýningin heitir Andstæður og það er jafnframt þema hennar. Vatnslitafélag Íslands er nýstofnað og öflugt félag um 200 vatnslitamálara.

Bókasafn Mosfellsbæjar var opnað að nýju miðvikudaginn 18. nóvember. Vegna tilskipana um sóttvarnir takmarkast fjöldi við 10 manns til og með 9. desember. Gestir eru hvattir til að sinna erindum sínum hratt og skilmerkilega svo fleiri komist að. Lessvæði er lokað og viðburðum hefur verið frestað. Athugið að grímuskylda er í safninu. Einstaklingar með hita, hósta, kvef og/eða önnur flensueinkenni haldi sig heima.

Listasalur Mosfellsbæjar hefur verið lokaður um skeið í samræmi við tilmæli Almannavarna um heftingu kórónuveirunnar. Ekki var því möguleiki að opna sýningu Helgu Matthildar Viðarsdóttur, listamanns Listar án landamæra 2020, fyrir almenningi.

Í samræmi við ný tilmæli vegna kórónuveirufaraldursins verður Bókasafn Mosfellsbæjar lokað til 17. nóvember. Engar sektir reiknast á safngögn með skiladag á lokunartímabilinu. Við bendum fólki á að senda fyrirspurnir: - í síma 566 6822 milli kl. 9:00 og 17:00 alla virka daga - með tölvupósti á bokasafn@mos.is Við erum öll almannavarnir.