Hundar sem hlusta í Bókasafni Mosfellsbæjar laugardaginn 26. maí 2018

Í samstarfi við félagið Vigdísi - Vini gæludýra á Íslandi býður Bókasafnið börnum að koma í safnið og lesa sér til ánægju fyrir hunda, sem eru sérstaklega þjálfaðir til þessa verkefnis.

Þetta er í annað sinn sem Bókasafn Mosfellsbæjar býður upp á þessa samveru hunda og barna.

Hverju barni býðst að lesa í u.þ.b. 20 mín. Tveir hundar verða á staðnum þannig að tvö börn geta lesið samtímis, en einungis sex börn komast að. Félagið Vigdís er aðili að lestrarverkefninu R.E.A.D – Reading Education Assistance Dogs sem starfar um allan heim með um 4 þúsund sjálfboðaliða. Lestrarstundir með hundi hafa reynst vel, einkum þeim börnum sem eiga við lestrarörðugleika að stríða. Hundurinn liggur rólegur meðan lesið er og það hjálpar börnunum að slaka á. Sjálfboðaliðinn, eigandi hundsins, ræðir síðan við barnið um innihald sögunnar til að tryggja betri lesskilning. Gott er að barnið hafi valið sér bók eða texta til að lesa.

Þeir sem hafa áhuga þurfa að bóka tíma fyrirfram með því að senda Ásdísi tölvupóst asdisg@mos.is eða hringja í síma 566 6822 milli kl. 10 og 16 virka daga.
Tímar sem eru í boði: 11.30, 11.50, og 12.10.