Fréttir eftir árum

Starfsfólk Bókasafnsins óskar ykkur gleðilegra jóla og farsældar á nýju ári. Þökkum góð og farsæl samskipti á árinu sem senn kveður.

Bókasafn Mosfellsbæjar um hátiðarnar

Búið er að setja upp síðustu barnagetraun ársins í barnadeildinni. Það er því um að gera að kíkja við í Bókasafninu og spreyta sig á nokkrum laufléttum spurningum í anda jólanna. Á nýju ári verður dregið úr réttum svörum og einn heppinn þátttakandi fær bók í verðlaun. Ekki hika við að spyrja starfsfólk Bókasafnsins ef ykkur vantar aðstoð.

Rafrænt bókmenntahlaðborð 2021 í Bókasafni Mosfellsbæjar! Upptakan er aðgengileg á facebook síðu Bókasafnsins

Okkur þykir leitt að tilkynna að vegna hertra samkomutakmarkana verður ekki unnt að bjóða til hefðbundins bókmenntahlaðborðs í Bókasafni Mosfellsbæjar. Bókmenntahlaðborðið átti að halda fimmtudaginn 18. nóvember. Bókaaðdáendum gefst þó kostur á að njóta upplesturs höfunda á upptöku, sem verður auglýst innan skamms á samfélagsmiðlum og heimasíðu bókasafnsins.

Verður þú næsti vinningshafi í barnagetraun Bókasafnsins? Ný getraun er mætt í barnadeildina með spánnýjum spurningum um fugla. Getraunin er staðsett á gula hringborðinu að venju og við hvetjum þig til að koma og taka þátt. Mundu að starfsfólk safnsins er tilbúið að hjálpa ef þig vantar aðstoð.

Vegna bilunar í tölvubúnaði getur verið að rukkunarbréf berist ekki í netpósti næstu daga. Vinsamlegast hugið vel að skiladegi safngagna

Gísli Marteinn var með skemmtilegan og áhugaverðan fyrirlestur um Tinna bækurnar í Bókasafninu fimmtudaginn 21. október. Góður hópur áhugasamra Tinna aðdáenda mætti.

Barnagetraunin mætir eldhress til leiks og fer nú um víðan völl, allt frá nærbuxum til furðudýra. Að venju hlýtur einn stálheppinn þátttakandi verðlaun. Ekki hika við að spyrja starfsfólk Bókasafnsins ef ykkur vantar aðstoð.

Bókasafnið verður ekki opið án þjónustu fyrir hádegi á fimmtu- og föstudag í þessari viku (23. og 24. september). Afgreiðslutími safnsins verður frá kl. 12-18 báða dagana.