Fréttir eftir mánuðum

Frá móður til dóttur – frá dóttur til móður er heiti sýningar Jóníar Jónsdóttur og Sigurlínu Jóhannsdóttur sem verður í Listasal Mosfellsbæjar 3. ágúst til 7. september 2018. Sýningin verður opnuð föstudaginn 3. ágúst kl. 16.00. Jóní Jónsdóttir er fædd árið 1972 og býr og starfar í Reykjavík. Hún nam myndlist við skúlptúrdeild Myndlista- og handíðaskóla Íslands og Konunglega Listaháskólann í Kaupmannahöfn. Hún hefur haldið fjölmargar listsýningar og unnið við leik- og danssýningar.

Laugardaginn 4. águst verður lokað í Bókasafninu og í Listasalnum. Opnum aftur þriðjudaginn 7. ágúst kl. 12.00.

Fyrsta þriðjudag í júní, júlí og ágúst í sumar er hittingur fyrir sumarlestrarkrakkana í Bókasafninu kl. 14.00. Við hittumst og spjöllum; leysum þrautir og drögum út happdrættisvinninga. Þriðjudaginn 3. júlí kom hópur krakka og tók þátt. Vinningshafar í happdrættinu voru: Lilja Sól, Sara Olivia og Emma. Allir fengu límmiða og súkkulaði. Næst hittumst við þriðjudaginn 7. ágúst kl. 14.00.