logo
  • Virðing -
  • Jákvæðni -
  • Framsækni -
  • Umhyggja

Fréttir eftir árum

Lokað kl. 14 vegna veðurs 10. desember

09/12/19Lokað kl. 14 vegna veðurs 10. desember
Bókasafn Mosfellsbæjar verður lokað frá kl. 14 þriðjudaginn 10. desember vegna veðurs. Spáð er ofsaveðri seinnipart þriðjudags á höfuðborgarsvæðinu og víðar. Frekari upplýsingar má finna á vedur.is.
Meira ...

Afgreiðslutími yfir hátíðarnar

09/12/19Afgreiðslutími yfir hátíðarnar
Afgreiðslutími Bókasafnsins yfir jól og áramót
Meira ...

Vinningshafi í getraun Bókasafnsins

09/12/19Vinningshafi í getraun Bókasafnsins
Snorri Guðmundsson er vinningshafinn í barnagetraun Bókasafnsins að þessu sinni. Snorri er 8 ára gamall og er nemandi í 3. bekk í Varmárskóla. Snorra finnst mjög gaman að lesa og uppáhaldsbókin hans er Pabbi prófessor eftir Gunnar Helgason. Í jólafríinu ætlar Snorri að hafa það náðugt og nýta tímann til að lesa og hafa það huggulegt heima. Í verðlaun fær Snorri bókina Stúfur hættir að vera jólasveinn eftir Evu Rún Þorgeirsdóttur. Til lukku, Snorri!
Meira ...

Árni með abstrakt

06/12/19Árni með abstrakt
Hátt í 200 manns mættu í Listasal Mosfellsbæjar laugardaginn sl. á opnun sýningar Árna Bartels Heilaðu eigið gral á 12 mínútum. Árni sýnir 22 abstraktmyndir unnar með tækni sem hann hefur verið að þróa og felst í því að bæta við lögum og pússa þau niður. Við þetta fá verkin sérstaka áferð og dýpt en mörg ár getur tekið að fullkomna hvert verk. Á opnuninni var boðið upp á ljúffengar veitingar auk bjórs sem sérmerktur var sýningunni. Síðasti sýningardagur er 27. desember og vakin er athygli á því að þetta er sölusýning.
Meira ...

Desembergetraunin

02/12/19Desembergetraunin
Nú eru Stúfur og félagar mættir í Bókasafnið og búnir að taka yfir barnagetraunina! Með því að svara þremur laufléttum spurningum um íslensku jólasveinana gætir þú unnið bók. Spurningablaðið er sem fyrr staðsett á hringborðinu í barnadeildinni. Komið við og takið þátt!
Meira ...

Árni Bartels opnar sýningu í Listasal Mosfellsbæjar 26. nóvember kl. 14 - 16.

26/11/19Árni Bartels opnar sýningu í Listasal Mosfellsbæjar 26. nóvember kl. 14 - 16.
Laugardaginn 30. nóvember kl. 14-16 opnar Árni Bartels í Listasal Mosfellsbæjar sýninguna Heilaðu eigið gral á 12 mínútum. Árni Bartels fæddist árið 1978 og býr í Mosfellsbæ. Hann lærði við myndlistardeild Listaháskóla Íslands og bjó í fimm ár í Gautaborg þar sem hann rak m.a. eigið gallerí. Hann hefur sýnt bæði hérlendis og erlendis, en þetta er í fyrsta sinn sem hann heldur sýningu í Listasal Mosfellsbæjar.
Meira ...

Fjör á Bókmenntahlaðborði barnanna

25/11/19Fjör á Bókmenntahlaðborði barnanna
Það var heldur betur margt um manninn í Bókasafninu um helgina. Þrír rithöfundar komu í heimsókn og lásu upp úr nýútkomnum bókum sínum á Bókmenntahlaðborði barnanna. Við þökkum öllum kærlega fyrir komuna og eins höfundunum fyrir stórskemmtilegan upplestur.
Meira ...

Vel heppnað Bókmenntahlaðborð

22/11/19Vel heppnað Bókmenntahlaðborð
Bókmenntahlaðborð Bókasafns Mosfellsbæjar, sem boðið var til fimmtudaginn 21. nóvember, var að vanda vel sótt. Hátt í 300 gestir mættu til að hlýða á rithöfunda lesa úr nýútkomnum bókum sínum. Rithöfundar kvöldsins voru Auður Jónsdóttir með bók sína Tilfinningabyltingin, Pétur Gunnarsson með HKL – ástarsaga, Halldór Halldórsson (einnig þekktur sem Dóri DNA) með bók sína Kokkáll, Vigdís Grímsdóttir sem las úr bók sinni Systa:Bernskunnar vegna og Eva Björg Ægisdóttir með Stelpur sem ljúga. Glaðlegur söngur Kvennakórsins Heklurnar hljómaði meðan gestir streymdu í hús og rithöfundurinn og Mosfellingurinn Björn Halldórsson stjórnaði líflegum umræðum að lestri loknum. Gestir skemmtu sér vel og nutu góðra bókmennta og veitinga í notalegu umhverfi Bókasafnsins.
Meira ...

Vinningshafi októbermánaðar í barnagetrauninni

08/11/19Vinningshafi októbermánaðar í barnagetrauninni
Simmone Gerður datt í lukkupottinn að þessu sinni en hún er vinningshafi októbermánaðar í barnagetrauninni okkar. Í verðlaun fékk hún bókina Lang-elstur að eilífu eftir Bergrúnu Írisi Sævarsdóttur en Bergrún verður einmitt gestur á Bókmenntahlaðborði barnanna hér í Bókasafninu þann 23. nóvember næstkomandi. Simmone þykir afskaplega gaman að lesa og er því tíður gestur hér í safninu. En hún er ekki bara mikill lestrarhestur heldur er hún einnig öflug fótboltakona og æfir fótbolta með Aftureldingu. Við óskum Simmone innilega til hamingju og hlökkum til að sjá hana næst þegar hún mætir í safnið.
Meira ...

Nóvembergetraun

04/11/19Nóvembergetraun
Barnastjörnur, stjörnur til átu og reikistjörnur. Barnagetraunin snýst að þessu sinni um alls kyns stjörnur. Komið við og takið þátt! Að venju hlýtur einn heppinn þátttakandi bók í verðlaun.
Meira ...

Síða 1 af 8

Þessi síða notar vafrakökur Lesa meira