Fréttir eftir árum

Nýja bókasafnskerfið er orðið virkt en það er en nokkur atriði í vinnslu. Vefurinn leitir.is hefur verið uppfærður og því þurfa lánþegar að úbúa nýtt lykilorð til að nota vefinn. Sendur var út tölvupóstur til lánþega þriðjudaginn 14. júní með leiðbeiningum um hvernig á að breyta lykilorðinu.

Boðið verður upp á árlegan Sumarlestur í bókasafninu í sumar. Markmiðið með lestrarátakinu er að hvetja börn til þess að lesa í sumarleyfinu, viðhalda þannig lestrarfærni sinni og auka við hana. Hægt er að skrá sig í afgreiðslu safnsins frá og með 10. júní. Eftir vel lukkað lestrartré síðasta sumar gerumst við enn metnaðarfyllri í ár og ætlum með hjálp dyggra lestrarhesta að endurskapa sjálfan Miðgarðsorminn í afgreiðslu safnsins. Líkt og síðustu sumur efnum við til happdrættis vikulega og höldum að sjálfsögðu uppskeruhátíð að Sumarlestrinum loknum.

31. maí - 13. júní verður innleitt nýtt kerfi í bóksöfnum landsins. Á þessu tímabili verður þjónusta safnsins eingöngu útlán og skil gagna.

Lokað á laugardögum í júní og júlí

Föstudaginn 27. maí kl. 16-18 opnar Dagmar Atladóttir sýningu sína Hakk og spagettí í Listasal Mosfellsbæjar. Dagmar lærði myndlist og hönnun í Hollandi og hefur sýnt verk sín víða bæði hérlendis og erlendis.

Listasalur Mosfellsbæjar, augýst er eftir umsóknum fyrir sýningarárið 2023.

Ekki verður mögulegt að stofna nýja lánþega í safninu frá 31. maí til 10. júni. Á þeim tíma verður skipt um bókasafnskerfi á landsvísu og aðgerðir því takmarkaðar.

Nú fer hver að verða síðastur að taka þátt í barnagetraun bókasafnsins! Yfir sumarmánuðina skellir getraunin sér í langþráð sumarfrí og sumarlesturinn stendur vaktina á meðan. Líkt og áður verður einn heppinn þátttakandi verðlaunaður með bók.

Sýningin Wörður, vinur mínar var opnuð í Listasal Mosfellsbæjar 22. apríl sl. Á sýningunni eru ofnar myndir eftir textíllistakonuna Önnu Maríu Lind Geirsdóttur. Viðfangsefni verkanna eru vörður, ekki síst vörður á Mosfellsheiði. Myndirnar vefur Anna María úr ýmsum tuskum, ónýtum klæðnaði og sængurfötum í anda endurnýtingar og náttúruverndar.

Afgreiðslutími um páskana