BÓKASAFN - Verðlaunahafinn í desembergetrauninni

Það var Arna Sigurlaug Óskarsdóttir sem vann til bókarverðlauna í síðustu barnagetraun ársins 2017. Bókin sem hún fékk er Úlfur og Edda – Drekaaugun eftir Kristínu Rögnu Gunnarsdóttur. Arna er í 5. bekk í Varmárskóla, er dugleg að lesa og kemur reglulega í Bókasafnið. Aðspurð hvað hefði gerst markvert um jólin sagði Arna okkur frá sumarbústaðaferð með fjölskyldunni. Hún varð vör við þrusk innan í einum vegg bústaðarins og kom í ljós að þar var fastur lítill fugl. Arna og fjölskylda hennar komu strax til hjálpar og björguðu fuglinum sem var frelsinu feginn. Við óskum bjargvættinum Örnu til hamingju með bókarverðlaunin.