Fullorðnir

Bókasafn Mosfellsbæjar leggur metnað sinn í að þjóna bæjarbúum og gestum sem best. Leitast er við að hafa safnkost fjölbreyttan þannig að hann höfði til breiðs hóps og er vel tekið á móti tillögum að innkaupum á efni. Hægt er að leita að bókum, tónlist, kvikmyndum og öðru í sameiginlega gagnagrunna bókasafna á Íslandi, á leitir.is.

Boðið eru upp á fjölbreytta viðburði árið um kring þar sem allir ættu að finna eitthvað við sitt hæfi. Lögð er áhersla á að húsnæði safnsins þjóni gestum sem best og sé aðlaðandi þannig að allir finni sig velkomna

Árgjald skírteina er samkvæmt gjaldskrá, en öryrkjar og þeir sem eru eldri en 67 ára fá frí skírteini. Frá og með 9. ágúst 2017 eru lánþegaskírteini gjaldfráls fyrir alla Mosfellinga.

Vertu velkomin/n í Bókasafn Mosfellsbæjar

Leshópur Félags eldri borgara

Leshópurinn er í samstarfi við Bókasafnið í Mosfellsbæ. Rósa Traustadóttir sem er starfsmaður Bókasafnsins hefur umsjón með starfinu.Við hittumst fyrsta mánudag hvers mánaðar kl. 10:30 yfir vetrartímann í Bókasafni Mosfellsbæjar Þverholti 2, nema annað sé tekið fram.

Leshópurinn hittist næst 2. desember.
Lesefni: Snjór í paradís e. Ólaf Jóhann Ólafsson.

Leshópurinn í heimsókn á Gljúfrasteini í október 2024.