Fréttir eftir árum

Föstudaginn sl. opnaði ung listakona, Ásgerður Arnardóttir, sýningu sína Út frá einu og yfir í annað. Þetta er forvitnileg sýning um samspil sjónarhorna og miðla þar sem öll verkin eru unnin út frá þremur skúlptúrum. Síðasti sýningardagur er 26. júní.

Þrír heppnir kjósendur sem völdu sína uppáhalds bók í Bókaverðlaunum barnanna tóku á móti viðurkenningum í síðustu viku. Þetta voru þau Þóra Kirstín, Wiktoria og Max. Öll fengu þau nýjustu bókina hans Ævars Þórs Benediktssonar, Hryllilega stuttar hrollvekjur, og veggspjald með kápu bókarinnar. Tilvalin bók í Sumarlesturinn sem hefst 5. júní! Við óskum þeim að sjálfsögðu til hamingju og sendum hryllilega góðar kveðjur úr Bókasafninu.

Síðasti vinningshafinn í barnagetrauninni á þessum vetri er engin önnur en Bríet Líf! Bríet fór létt með að svara úlfaspurningunum sem voru í getrauninni og fær að launum bókina Hundmann eftir Dav Pilkey. Við óskum Bríeti innilega til hamingju og hlökkum til að sjá hana sem oftast hér í safninu í sumar.

Umsóknarfrestur er til 15. júní 2020. Sótt er um rafrænt á www.bokmos.is/listasalur.

Samkvæmt fyrirmælum heilbrigðisyfirvalda verður Bókasafn Mosfellsbæjar lokað frá og með 24. mars og gildir lokunin til 4. maí næstkomandi nema annað sé gefið út.

Vegna óviðráðanlegra aðstæðna verður sýning Ásgerðar Arnardóttur ekki opnuð föstudaginn 20. mars 2020.

Fjölmargir tóku þátt í barnagetraun Bókasafnsins í síðasta mánuði. Emma Natalía var ein af þeim en hún er vinningshafinn að þessu sinni. Emma er nemandi í Lágafellsskóla, mikill lestrarhestur og dansar ballet í frístundum. Í verðlaun hlýtur Emma nýjustu bókina í Ljósaseríunni, Dularfulla símahvarfið eftir Brynhildi Þórarinsdóttur. Innilega til hamingju, Emma! 😊

Áður auglýstum viðburði með Gísla Marteini um ævintýri Tinna, hefur verið frestað um óákveðinn tíma í ljósi samkomubanns.

Úlfar eru komnir á kreik í safninu og best að hafa varann á sér! Ef þú vilt eiga kost á því að vinna bók getur þú komið við hjá okkur í barnadeildinni og tekið þátt í barnagetrauninni. Það eina sem þú þarft að gera er að svara þremur spurningum um úlfa og setja svarblaðið í gráa póstkassann. Við drögum út einn heppinn þátttakanda í byrjun apríl. Ekki hika við að fá aðstoð hjá starfsfólki safnsins.

Fjölmenni var við opnun sýningarinnar Jöklar í Listasal Mosfellsbæjar föstudaginn 14. febrúar sl. Fyrrum Mosfellingurinn Stefanía Reynisdóttir sýnir málverk og grafísk verk sem eru innblásin af jöklum. Stefanía býr nú í Öræfasveit undir Vatnajökli og starfar þar sem landvörður og jöklaleiðsögumaður. Hún er í miklu návígi við viðfangsefnið og miðlar því á sinn eigin hátt í myndlistinni. Kraftur og fegurð jöklanna er túlkuð með flæðandi og draumkenndum flötum og samspil blárra, hvítra og grátóna lita er áberandi. Sýningin stendur yfir til 13. mars.