Fréttasafn

Reglugerð um takmörkun á samkomum vegna farsóttar er í gildi frá og með 15. apríl og gildir til og með 5. maí 2021. Fjöldi í Bókasafni Mosfellsbæjar miðast nú við 20 manns og gildir þetta um einstaklinga fædda árið 2014 eða fyrr (börn á grunnskólaaldri og eldri).

Sýningin Stingur í stúf eftir Harald Sigmundsson var opnuð föstudaginn 19. mars. Á opnuninni voru tveir gjörningar. Annars vegar mætti jólasveinninn Stúfur á svæðið og stakk sig á verkunum, hins vegar var Haraldur sjálfur með gjörning þar sem sýningargestir gátu fylgst með honum búa til málverk. Sá gjörningur mun standa yfir allt sýningartímabilið og enda með fullkláruðu verki. Síðasti sýningardagur er 16. apríl.

Vegna nýrra tilskipana um sóttvarnir takmarkast fjöldi í Bókasafni Mosfellsbæjar við 10 manns frá og með 25. mars og gildir þetta um einstaklinga fædda árið 2014 eða fyrr. Gestir eru hvattir til að sinna erindum sínum hratt og skilmerkilega svo fleiri komist að. Lessvæði er lokað og viðburðum hefur verið frestað.

Afgreiðslutími um páskana

Sýningin Stingur í stúf eftir Harald Sigmundsson verður opnuð í Listasal Mosfellsbæjar föstudaginn 19. mars kl. 16-18. Haraldur (f. 1980) er með B.A.-gráðu frá myndlistardeild Listaháskóla Íslands og M.A.-gráðu í kennslufræðum frá sama skóla. Hann starfar sem myndlistarkennari í Krikaskóla í Mosfellsbæ. Haraldur hefur tekið þátt í ýmsum sýningum en þetta er fyrsta einkasýning hans í átta ár og í fyrsta sinn sem hann sýnir í Listasal Mosfellsbæjar.

Nú er komin ný barnagetraun í barnadeildina. En hafið varann á ykkur því nú er hún er troðfull af ræningjum! Við hvetjum hugrakka krakka að gera sér ferð í safnið og taka þátt. Við veitum svo einum heppnum og huguðum þátttakanda verðlaun í byrjun næsta mánaðar. Munið að starfsfólk safnsins er ávallt til búið að aðstoða.

Steinunn Marteinsdóttir, Mosfellingur með meiru, heldur næstu sýningu í Listasal Mosfellsbæjar í tilefni 85 ára afmælis síns 18. febrúar. Hún hefur unnið að myndlist í marga áratugi og er einn helsti leirlistarmaður landsins. Steinunn hefur síðustu ár lagt stund á málun í vaxandi mæli.

Nammi namm! Barnagetraunin skartar nú þremur glænýjum spurningum um alls kyns gúmmelaði í barnabókum. Þátttökuseðlar eru sem fyrr staðsettir á gula borðinu í barnadeildinni. Dregið verður úr útfylltum seðlum í byrjun næsta mánaðar og hlýtur einn heppinn sælkeri verðlaun.

Vegna tilskipana um sóttvarnir takmarkast fjöldi gesta við 20 manns til og með 17. febrúar. Gestir eru hvattir til að sinna erindum sínum hratt og skilmerkilega svo fleiri komist að. Lessvæði er lokað og viðburðum hefur verið frestað.

Tæknin er eitthvað að stríða okkur þessa dagana og póstar til lánþega um vanskil og að skiladagur nálgast eru ekki að sendast út. Við hvetjum ykkur til að kíkja á stöðuna á ykkar lánum á leitir.is eða hringja í okkur (s. 566 6822) ef þið eruð óviss um skiladag og þurfið framlengingu.

Afgreiðslutími Bókasafnsins yfir jól og áramót

Bókasafn Mosfellsbæjar hefur nú hafið útlán á spilum! Þetta eru barna- og fjölskylduspil, glæný jafnt sem gömul klassík, og tilvalið að grípa í núna á aðventunni. Spilin eru lánuð út í 14 daga í senn.