Bjart yfir Listasalnum

Það var margt um manninn í Listasal Mosfellsbæjar 7. desember sl. þegar Björg Örvar opnaði einkasýningu sína Barnasaga/Saga af rót (endurlit). Á sýningunni eru níu nýleg verk eftir listakonuna sem einkennast af björtum litum, kunnuglegum en þó abstrakt formum og heillandi blæbrigðum. Um verk Bjargar Örvar hefur listfræðingurinn Aðalsteinn Ingólfsson skrifað: „Þegar upp er staðið líkjast sköpunarverk hennar engu sem við þekkjum; eru marktækur viðauki við heimsmynd okkar fremur en einhvers konar tilbrigði um hana“. Sýningunni lýkur 11. janúar 2019 og aðgangur er ókeypis.