BÓKASAFN - Gaman á ritlistarnámskeiði hjá Gerði Kristnýju

29 hressir krakkar hafa skrifað, skrafað, myndskreytt og lesið upp sögur sínar og ljóð á þriggja daga námskeiði á vegum Bókasafnsins undir stjórn Gerðar Kristnýjar. Gerður Kristný er hjá okkur í annað sinn enda sló hún í gegn í fyrra og voru margir krakkanna mættir aftur til að læra enn meira. Á laugardeginum, síðasta deginum, þá var foreldrum boðið að koma og hlusta á afraksturinn. Það var vel mætt og uppskáru krakkarnir lófaklapp gestanna að loknum upplestri.

Gleðin réði ríkjum við „útskriftina“ en á myndina vantar þó nokkra sem ýmist voru að fara að hlaupa í Color Run eða bara hafa það notalegt í bústað.